قصيده اغضبت فتيات الخليج

القصيدة التي أغضبت فتيات الخليج مع ردها ومضمونها
هذه قصيده كتبها احد الخليجيين بعد قدومه من المغرب
دعونا نرى ماذا قال ولماذا غضبوا .
************

ياللي تنشد عن علوم الذي طاف...كل البحور وكل دوله وديره



خذ من علومي علم اوصافه اوصاف...جزل سمين يشتعل له سعيره



الزين عقب المغربيات ينعاف...غيد لهن بالزين ذكره و سيره



فيهن حلا طاغي ولين و تعطاف...وفيهن حنان يشعل القلب غيره



حلوات وصف وفاهمات بالاعراف... زينات منطق صافيات السريره



بنات قوم طيبهم غصب ينشاف...اولاد مغرب بالليله العسيره


ياللي تنشد عن علومي بالانصاف...هرجي يكفي صامله عن كثيره



الزين في لميا وتغريد و الطاف... ماهوب في حصه و كشرة منيره




الرد على القصيدة
*******************

قال الذي في بدع الامثال صراف.....جزل يفرق بين درهم وليره


ياللي مدحت المغربيات بجحاف.....الله يجيرك من عماه البصيره


لو تعجبك لميا وتغريد والطاف.....مايصلحن لهل الوجيه السفيره


مفصخات و لبسهم حول الارداف.....وبليس اغواهم بكشف الستيره


متعودات كلهم زيف وخفاف.....على التغنج والتعطف وغيره


كل يوم مع صاحب و لافيهم اعفاف.....خويهم اللي فلوسه كثيره


ترى البضايع عدة اشكال و اصناف.....وكل ينوخ وسط سوقه بعيره


عز الله ان الطيب في بنت الاشراف.....اللي على الحشمه تربت صغيره


ولا تبين منها كود الاطراف.....مثل القماشه فالبحور الغزيره


ياللي تدور بالجواهر و الاصداف.....الزين كله في بنات الجزيره




وهذا رد الشاعر طلال الرشيد على هذي القصيده
**************

يابن الحلال ان طعتني خل الاسراف
واترك جمال الغيد لاهل البصيره
الزين مو بس الملامح والاوصاف
الزين روح وعفه وطيب سيره
ما نيب من يهوى "سريا وانصاف"
انا هوى وبس بنت الجزيره
بنت الخليج اللي تمارى بالاعراف
وحنا نماري باسمها كل ديره
مالى غرام بقول وخا وبالزاف
اذبحنى عند الطرحه المستديره
احب قولة ياهلا وعل ما خلاف
من بنت ثوبي بنت الارض النضيره
اللي تحلاها الظبي حلو الاطراف
جمال فى عفه ورقه وغيره
واللي بها سحر مهو سحر عراف
ياعل عين ما تراها ضريره
عطف وحنان وذوق فى لين الاعطاف
والى كشفت لثامها شفت اميره
صعبه على اللي بالردىشاف ما عاف
وحلوه على اللي سنةالله ضميره
شمس الى من اشرقت والدجا طاف
غابت نجومك غصب لو هى كثيره
السيف ما يزهى سوى بكف سياف
والخيل دون حصانها مستخيره
بس انت دور لك على قدك لحاف
وان طعتني دور بدلهن عشيره[/center]