يامدور الهين (الأمير خالد الفيصل )

يامدور الهين

الأمير خالد الفيصل

يا مدور الهين ترى الكايد احلى
واسأل مغني كايدات الطروقي
الزين غالي لكن الأزين اغلى
ولكل شراي بضاعه وسوقي
النو عالي والسما فوقه اعلى
ولا فاق علم جاه عالم يفوقي
والصعب هلا قلت ياصعب سهلا
دامك تبيني فانت ياصعب شوقي
أحب عسف المهرة اللي تغلى
واحب أروض كل طرف يموقي
واحب اسافرمع سحاب تعلى
وأحب فوق الغيم لمع لبروقي
وأحب أساهر بدري اللي تجلى
وارسم شعاع الشمس عند الشروقي
يامن على ثاير فوادي تولى
خلك على قلب الكرامه شفوقي
أكرم عزيز بالعمر مااستذلا
يسوق عمره للمشاريف سوقي
اخترتك من الناس للقلب خلى
ياحيثك مرادي وكيفي وذوقي
مارحت أدور كل زول تحلى
لولاك تسوى ماعطيتك خفوقي

» أخطيت شعر الأمير عبد الرحمن بن مساعد
» ثورة الشك (×لعبدالله الفيصل رحمه الله)
» أشعار خالد المريخي استماع
» أشعار مسموعة خالد عبدالرحمن
» دخان بلا نار بطولة خالد النبوي