رولات التوست شل جديد ومشهي

السلام عليكم ورحمة الله وبركاته

كيف الحال جميعا

ان شاء الله بخير

ادخل بالموضوع على طول

رولات التوست المقليه بس بشكل جديد وحلو في التقديم ولذيذ
المقادير :
كيس توست منزوع الاطراف حشوة دجاج جبن سائل وعجينه السمبوسه المنزليه (دقيق
وزيت ولح وماء )

الطريقه بالصور

نبدأ وعلى بركة الله

اولا نفرد شريحة التوست مرره وندهنها بجبن سائل وحط الحشوه بطرف التوست كما
هو مبين في الصوره



ثانيا نلف التوست ونحكم اغلاقه





نفرد العجينه فرد رقيق ونحط التوست الملفوف بطرفها



نلف العجينه ونغلق اطرافها كما هو مبين بالصوره


وهنا بعد مالفيت العجينه عدل وصارت كذا




بعد ما نخلص الكميه كلها نقليه بزيت حار مو مره يعني بمجرد نحط التوست تبدأ
تظهر الفقاعات زي كذا



هنا شكلها بعد القلي



وهنا من قريب



بعدين قطعتها بالمايل وهذا شكلها


ولابد من عنصر التعذيب والتشويق خخخخخخ




وعلى فكره انا لفيت بعض التوست بعجينة العشر دقايق ماضبطت طلعت منفوشه مره
ولينه افضل شي عجينه السمبوسه المنزليه (البف ) وعلى طاري عجينة العشر
دقايق سويت معجنات عباره عن اقماع التونه وبيتزا وفطائر اللحم تفضلوا





وهنا من قريب




وهنا سويت معاه الصوص المفضل عندي عباره عن ملعقه من (كاتشب -مايونيز -خردل
) واستمتعي بالطعم اللذيذ
ومع رولات التوست ياسلام عالطعم